Hacıqabulda heyvandarlıq məhsullarının istehsalı artıb

Hacıqabulda əsas təsərrüfat sahəsi olan heyvandarlığın inkişafına xüsusi diqqət yetirilir. Mal-qaranın cins tərkibinin yaxşılaşdırılması və baş sayının artırılması üçün rayonda müxtəlif tədbirlər həyata keçirilir, yeni-yeni heyvandarlıq təsərrüfatları, quşçuluq kompleksləri və süni mayalama məntəqələri yaradılır. Görülən işlər nəticəsində rayonda mal-qaranın baş sayı, heyvandarlıq məhsullarının istehsalı artır.

Rayon Dövlət Aqrar İnkişaf Mərkəzindən AZƏRTAC-ın bölgə müxbirinə verilən məlumata görə, hazırda heyvandarlıq təsərrüfatlarında 39 min 37 baş iribuynuzlu mal-qara, 137 min 358 baş qoyun-keçi bəslənilir. Bu da ötən ilin eyni dövründəkindən, ümumilikdə, 3 min 222 baş çoxdur. Təsərrüfatlarda mal-qara və davarların baş sayının artırılması, cins tərkibinin dəyişdirilməsi istiqamətində görülən işlər ət, süd və yun istehsalının da artmasına təsir göstərib. Belə ki, cari ilin doqquz ayı ərzində rayonda 5 min 989 ton ət (diri çəkidə), 13 min 8 ton süd, 229 ton yun, 143 min 812 milyon ədəd yumurta istehsal olunub.