ABŞ-nin Federal Təhqiqatlar Bürosu (FTB) hüquqpozmalarla bağlı məlumat bazasına kiberhücum faktını araşdırır.
Ens.az Oxu.az-a istinadən xəbər verir ki,bu barədə CNN telekanalı öz mənbələrinə istinadən məlumat yayıb.
Xəbərə görə, Milli Cinayət Məlumat Mərkəzi (NCIC) hakerlərin hücumuna məruz qalıb. Qeyd olunur ki, sözügedən məlumat bazasından bütün ölkə üzrə hüquq-mühafizə orqanlarının əməkdaşları yoxlamaların aparılması və həbs orderlərin verilməsi haqqında informasiya mübadiləsi üçün istifadə edirlər.
Telekanalın bildirib ki, bu, son bir neçə ay ərzində hakerlərin FTB sisteminə ikinci müdaxiləsidir. Sentyabr ayında həyata keçirilən əvvəlki kiberhücumun hədəfi büro işçilərinin fərdi məlumatları olmuşdu.
Cümə axşamı məlumat verilmişdi ki, ABŞ Kənd Təsərrüfatı Nazirliyinin mütəxəssisləri kiberhücum aşkar etdikdən sonra bəzi daxili sistemləri söndürmək məcburiyyətində qalıblar. Ötən həftə isə ABŞ-nin Federal Mülki Aviasiya İdarəsi hava hərəkətinin idarə edilməsi mərkəzlərindəki rabitə kəsintisi səbəbindən ölkə ərazisindəki bütün uçuşları dörd saatdan çox müddətə dayandırmışdı.
Bundan əlavə, texnologiya nəhəngi "Microsoft", ən böyük aviadaşıyıcılardan biri olan "United Airlines" və "JPMorgan Chase" bankının fəaliyyətində irimiqyaslı nasazlıqlar qeydə alınıb. Çərşənbə axşamı ABŞ-nin radioelektron kəşfiyyatına cavabdeh olan Milli Təhlükəsizlik Agentliyinin daxili kompüter şəbəkəsinin işində də problemin yarandığı məlum olub.





Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.