Milli Futbol Liqasının (NFL) yeddiqat çempionu Tom Bredi İngiltərənin "Çelsi" futbol klubundan pay alıb.
Ens.az Oxu.az-a istinadən xəbər verir ki, bu barədə ESPN telekanalı öz mənbələrinə istinadən məlumat yayıb.
Bildirilir ki, Amerika futbolunun əfsanəsi olan Bredi London klubuna nəzarət edən "Clearlake" şirkətinin minoritar investoru olacaq. Onun səsvermə hüququ olmadan əməliyyat məsləhətçisi kimi fəaliyyət göstərəcəyi gözlənilir. Qeyd edək ki, amerikalı idmançı 2023-cü ilin avqustunda İngiltərənin "Birmingem" klubunun səhmlərini alsa da, bu ilin noyabrında oradan ayrılıb.
49 yaşlı Bredi 2000-ci ildən NFL-də çıxış edib və 2023-cü ilin fevralında karyerasını başa vurduğunu bildirib. O, NFL çempionu titulu uğrunda həlledici matç olan Superboulu yeddi dəfə (2001, 2003, 2004, 2014, 2016, 2018, 2020) qazanmaqla bu göstərici üzrə rekordçudur. Amerikalı oyunçu rekord sayda - beş dəfə Superboulun ən yaxşı oyunçusu seçilib.





Şərhlər
Hələ təsdiqlənmiş şərh yoxdur.
Şərh yazın
Şərh yazmaq üçün hesabınıza daxil olun və e-poçtunuzu təsdiqləyin.