Alimlər hansı musiqinin məşq zamanı effektivliyi artıra biləcəyini aşkar ediblər
Ens.az xəbər verir ki, yüksək templi, sürətli musiqi dinləmək, məşq zamanı yüklənmənin subyektiv qavrayışını azaldır. Bu, beynəlxalq alimlər qrupunun əldə etdiyi nəticədir. Tədqiqatların nəticələri "Frontiers in Psychology" jurnalında dərc olunub.
"Müəyyən etmişik ki, məşqlər zamanı sürətli musiqi dinlədikdə, musiqisiz məşqlərə nisbətən daha sürətli ürək döyüntüsü və yüklənmənin daha aşağı qəbul edilməsi qeydə alınır".
Məlum olub ki, insan yüksək templə musiqi dinlədiyi zaman fiziki məşqlər onun tərəfindən daha az çətin kimi qəbul olunur, lakin onların icrasının təsiri azalmır.
Beləliklə, sürətli mahnılar yalnız məşqlərin effektivliyini artırmağa kömək edir, xüsusən də dözümlülük məşqlərində və uzun qaçış vaxtı. Sürətli musiqi, tədqiqat müəlliflərindən birinin qeyd etdiyi kimi, məşqləri "bədən tərbiyəsinin yaxşılaşdırılması baxımından daha faydalı" etməyə kömək edir.
Araşdırmada təxminən 26 yaşında iyirmi qızın iştirak etdiyi məlumdur.
Şərhlər
Şərhləri göstər Şərhləri gizlət