Hələ tanıdılmayan yeni "İphone" modelinin qiyməti şok etdi

Amerikada yerləşən texnologiya nəhəngi "Apple" sentyabr ayında "İphone 11" adını alacaq yeni modelini tanıdacaq.

Metbuat.az xarici mediaya istinadla bildirir ki, "Apple" yeni modeli hələ tanıtmasa da maraqla gözlənilən modelin lüks versiyası hazırlanıb

Məşhur aksesuar markası "Caviar" telefonu xüsusi daşlarla bəzəyərək möhtəşəm iş ortaya çıxarıb. Qiyməti 50 min 670 dollar olan telefonun bu qədər bahalı olmasının səbəbi tərkibində həqiqi göy daşı və bəzi dəyərli daşların olmasıdır.

Ən maraqlısı isə odur ki, bu telefondan sadəcə 1 ədəd istehsal ediləcək.

Şirkətin 4800 dollar kimi daha münasib qiymətə olan modelləri də olacaq.

Bu model ötən günlərdə 50-ci ili qeyd olunan ay səthinə edilən insanlı ilk uçuşun xatirəsinə hazırlanıb.