İdlib qəbiristanlığa çevrilə bilər – BMT-dən xəbərdarlıq

Silahlı qarşıdurma davam edərsə, İdlib qəbiristanlığa çevrilə bilər.

Axar.az xəbər verir ki, bu barədə BMT-nin Humanitar İşlərin Əlaqələndirilməsi Departamenti məlumat yayıb.

“Ötən ilin dekabr ayından bəri əsasən qadın və uşaq olmaqla, 700 min nəfər İdlibdən köç edib. Bu, Suriyanın İdlib şəhərində yaşanmış ən böyük köç sayılır. Hazırda ən böyük köçlə qarşı-qarşıyayıq. İdlibin qəbiristanlığa çevrilməməsi üçün qarşıdurmalar dərhal dayandırılmalıdır”, - məlumatda bildirilib.