iPhone 8 smartfonunun simsiz doldurulma isə təchiz olunacağı təsdiqləndi

Apple şirkətinin yeni nəsil iPhone təqdimatına həsr olunacaq tədbiri yaxınlaşdıqca şayələr daha da çoxalır. Onlardan biri yeni nəsil iPhone smartfonunun simsiz doldurulma ilə təchiz olunacağıdır.

TNW resursu iki müstəqil mənbədən təsdiq əldə edib ki, Apple həqiqətən iPhone 8 smartfonuna simsiz doldurma əlavə etməyi planlaşdırır. RAVPower mobil aksesuar istehsalçısının baş meneceri Allen Fanq xüsusilə bəyan edib: “Bizim mənbələrimiz xəbər verib ki, yeni iPhone doldurma cihazının dəstəklədiyi simsiz doldurma üçün xüsusi texnologiyadan istifadə edir. Bizim doldurma cihazımız yeni iPhone və digər mobil qurğularda tam sürətlə simsiz doldurma üçün istifadə olunacaq”.

İki mənbə əvvəli şayələrə əsaslanır. Əgər yeni iPhone-da simsiz doldurma üçün daha uyğun olması üçün arxa panelin metallik deyil, şüşədən olması əminliklə deməyə əsas verir ki, onuncu nəsil smartfonlar simsiz doldurma texnologiyasını dəstəkələyəcək.

Güman etmək olar ki, yeni Apple smartfonlarında Qi və ya Airfuel protokollarından istifadə olunacaq. Simsiz doldurma üçün olan bu həll cihazın doldurma bazası ilə kontaktda olmasını tələb edir. Qeyd edək ki, Apple Watch saatlarında modifikasiya olunmuş Qi texnologiyasından istifadə olunur. Buna görə də smart saatlar rəsmi Qi doldurma cihazları ilə uyğun deyil.

Müəllif: Famil Ələkbərov