İspaniyada 300-dən çox kiberhücum həyata keçirən qruplaşmanın liderlərindən biri saxlanılıb

İspaniya polisi 90-dan çox ölkədə 300-dən çox kiberhücum təşkil etdiyi iddia edilən qruplaşmanın liderlərindən birini saxlayıb.

Ens.az Oxu.az-a istinadən xəbər verir ki, bu barədə İspaniyanın hüquq-mühafizə orqanlarının press-relizində qeyd olunub.

Verilən məlumata görə, hüquq-mühafizə orqanlarının əməkdaşları Alikantedə Venesuela vətəndaşını dünyanın müxtəlif yerlərində, qurum və şirkətlərə çoxsaylı hücumlar həyata keçirən “Kelvin Security” qruplaşması ilə əlaqədə olduğuna görə saxlayıblar. Polisin bildirdiyinə görə, şübhəli cinayətkar fəaliyyətdən əldə edilən pulların yuyulmasına görə məsuliyyət daşıyan əsas şəxs olub.

Qeyd edək ki, istintaq 2021-ci ilin dekabrında, hüquq-mühafizə orqanlarının əməkdaşları Getafe və Kamas şəhər meriyalarının kompüter sistemlərinə kiberhücumlar edildiyi vaxt başlayıb. Qrupun qanunsuz yolla əldə etdiyi məlumatları satdığı qeyd olunur. Son üç il ərzində o, 300-dən çox kiberhücum həyata keçirib.

Mənbə: TASS