Karateçimiz beynəlxalq turnirdə bürünc medal qazanıb

İran İslam Respublikasının Urmiya şəhərində 15 ölkədən 320 idmançının iştirak etdiyi karate-do üzrə “Urmiya-Open” XIV Beynəlxalq həmrəylik və dostluq çempionatında millimizin heyətində Naxçıvan Muxtar Respublikası Karate-do Federasiyasının yetirməsi Aslan İsmayılov da mübarizə aparıb.

AZƏRTAC-ın Naxçıvan bürosu xəbər verir ki, 4 gün davam edən çempionatda naxçıvanlı idmançı 16-17 yaş qruplarında tatami üzərinə çıxıb. O, beynəlxalq çempionatda 76 kiloqram çəki dərəcəsində bürünc medal qazanıb.

Sonda idmançımız təşkilatçılar tərəfindən diplom, medal və pul mükafatı ilə təltif olunub.