Koroğlu - Həmzə, incitmə Qıratı

Canım Həmzə, gözüm Həmzə, 
Həmzə, incitmə Qıratı.
Budu sənə sözüm Həmzə,
Həmzə, incitmə Qıratı.

Qıratdı menim dirəyim,
Əriyər qalmaz ürəyim.
Sən olasan duz-çörəyim 
Həmzə, incitme Qıratı.

Qırat mənim iki gözüm,
Belə dərde necə dözüm?
Həmzə, sənə budu sözüm,
Oğul, incitmə Qıratı.

Eşidər paşalar, bəylər,
Şadlıq xəberini söylər.
Koroğlu iltimas eylər 
Bala, incitmə Qıratı.