Livanda matəm elan olundu: Minlərlə yaralı var

Beyrutdakı partlayış zamanı 2200-dən çox insan yaralanıb.

Ens.az Metbuat.az-a istinadən xəbər verir ki, bu barədə yerli OTV telekanalı məlumat yayıb.

Bildirilir ki, hadisə zamanı azı 30 nəfər həlak olub. Ölənlər arasında Livanın "Al-Kataib” partiyasının baş katibi Nizar Nacaryan da var.

Qeyd edək ki, Livanın baş naziri Hassan Diyab baş vermiş güclü partlayışla əlaqədar çərşənbə günü matəm elan edib.