![“Mançester Yunayted” Koutinyonun transferindən imtina edib](https://ens.az/images/news/57587a9fca8ea6b955531ea0b1378a49.jpg)
Dərc edildi: Baxış sayı: 515
“Mançester Yunayted” Koutinyonun transferindən imtina edib
İngiltərənin “Mançester Yunayted” klubunun mövsümlərarası fasilə ilə bağlı transfer planlarında dəyişiklik olub.
ONA-nın məlumatına görə, mançesterlilər İspaniyanın “Barselona” klubunda çıxış edən Filippe Koutinyonu almaq fikrindən imtina edib.
Hərçənd “qırmızı şeytanlar” braziliyalı yarımmüdafiəçini 100 milyon avro qarşılığında heyətinə qatmaq niyyətində idi. Buna azarkeşlərin Çempionlar Liqasının 1/4 final mərhələsinin iki klub arasındakı ilk oyunundakı hərəkəti səbəb olub.
Belə ki, ingiltərəli fanatlar “Old Trafford”a “Barselona” formasında çıxan cənubi amerikalını sərt şəkildə qarşılayıb. Bu da futbolçunun vaxtilə “Liverpul”da oynaması ilə bağlıdır. “Mançester Yunayted” rəhbərliyi də bu səbəbdən F.Koutinyonu almaq fikrindən daşınıb.
Qeyd edək ki, 26 yaşlı yarımmüdafiəçi cari mövsüm Primeranın 30 oyununda 5 qol vurub.
Şərhlər
Şərhləri göstər Şərhləri gizlət