Məşhur ingiltərəli aparıcı Gəncədə

"Top Gear" televiziya proqramının tanınmış sabiq aparıcıları - Ceremi Klarkson, Ceyms Mey və Riçard Hammond Böyük Britaniyanın "The Grand Tour" proqramı çərçivəsində Azərbaycan ərazisində yeni avtomobillərin test-drayvlarını həyata keçirəcək.

BAKU.WS-in məlumatına görə, Ceremi Klarkson artıq Gəncə şəhərindədir. 

Tanınmış aparıcı 1 milyondan çox izləyici olan "Instagram" hesabında Gəncədə çəkdiyi fotonu paylaşaraq, "Brutal work today" şərhini yazıb. 

Məşhurun azərbaycanlı izləyiciləri isə onun paylaşımına "Welcome to Azerbaijan" (Azərbaycana xoş gəlmişsiniz) şərhini veriblər. 

Məlumat üçün bildirək ki, məşhur ekspertlər 3 avtomobili - "Aston Martin DBS Superleggera", "BMW M850i" və "Bentley Continental GT" markalı maşınları ölkənin beş müxtəlif şəhərinin küçələrində test edəcəklər. 

Proqramın prodüserləri və müəlliflərinin sözlərinə görə, yeni avtomobillərin Azərbaycandakı test-drayvı xüsusilə möhtəşəm və cazibədar olacaq, tamaşaçıları isə aparıcılardan əyləncəli və şən sınaqlar gözləyir.