Mirzə Əli Möcüz - Nə anladıq bu gəlmaqdan

Mirzə Əli Möcüz - Nə anladıq bu gəlmaqdan

Nə anladıq bu gəlmaqdan, 
Bu altı aylıq qonaqdan? 
Kabab olduq ağlamaqdan, 
Allah, özün imdad elə!
Təzkirəni aldı ələ,
Canıma saldı vəlvələ, 
Yanm gedib, nə vaxt gələ? 
Qəmli könül, fəryad elə!
Aşıq ağlar acı-acı,
Yar baxar ona qiyğacı, 
Saxla atın, arabaçı!
Aşiqləri bir şad elə!
Sənin ilə könlüm xoşdur, 
Necə görüm yerin boşdur? 
Yarın qəfəsdə bir quşdur, 
Tez gəl, onu azad elə!
Əmoğlucan, səni tan,
Dön bir də bax mənə san, 
Ytxıldı könlüm divan,
Gəl, gəl, onu abad elə!
Ağ gərdəndə qara şəvə, 
Mən baxaram sevə-sevə,
Sil göz yaşın, qayıt evə,
Yıx köyümü, bərbad elə!
Yarım gözdən nəhan oldu, 
Dağlar başı duman oldu, 
İşim ahü fəğan oldu,
Allah, özün imdad elə!