![Naxçıvanlı boksçu beynəlxalq turnirdə qızıl medal qazanıb](https://ens.az/images/news/87a55bf29c3bd68b30e3dcb3b76e52b3.jpg)
Naxçıvanlı boksçu beynəlxalq turnirdə qızıl medal qazanıb
Bakı Boks Mərkəzində təşkil olunan “Böyük İpək Yolu” beynəlxalq turnirində Naxçıvan Muxtar Respublikası Boks Federasiyasının yetirməsi Tayfur Əliyev uğurlu nəticə qazanıb.
AZƏRTAC-ın Naxçıvan bürosu xəbər verir ki, Tayfur Əliyev 56 kiloqram çəki dərəcəsində rinqə çıxıb. Həlledici görüşə kimi bütün rəqiblərini üstələyən boksçumuz finalda Qazaxıstan idmançısı Orazbek Assilkulovla qarşılaşıb. Bu görüşdə də rəqibini 5:0 hesabı ilə məğlub edən Tayfur Əliyev turnirin qızıl medalını qazanıb.
Qeyd edək ki, 10 çəki dərəcəsi üzrə keçirilən turnirdə Azərbaycan boksçuları ilə yanaşı, Rusiya, Qazaxıstan, Özbəkistan, Mərakeş, İraq, Türkiyə, Türkmənistan və Gürcüstan millilərinin 117 idmançısı qüvvəsini sınayıb. Azərbaycan yığması turnirdə 4 qızıl, 3 gümüş və 8 bürünc medal qazanıb.
Şərhlər
Şərhləri göstər Şərhləri gizlət