Nazirimiz Fransanın yeni səfiri ilə görüşdü
Xarici İşlər naziri Elmar Məmmədyarov Fransanın Azərbaycana yeni təyin olunan səfiri Zakari Qrosu qəbul edib.
XİN-dən Axar.az verilən məlumata görə, nazir Elmar Məmmədyarov səfiri yeni təyinatı münasibətilə təbrik edərək, onun iki ölkə arasında əlaqələrin daha da inkişafına töhfə verəcəyinə ümid etdiyini bildirib.
Görüş zamanı tərəflər Azərbaycan və Fransa arasında siyasi, iqtisadi, elm-təhsil, enerji və digər sahələrdə əməkdaşlığın inkişaf perspektivləri ətrafında fikir mübadiləsi aparıblar.
Səfir Zakari Qros diplomatik fəaliyyəti dövründə ölkələrimiz arasında əlaqələrin daha da möhkəmlənməsi səylərini əsirgəməyəcəyini bildirib.
Nazir Elmar Məmmədyarov səfir Zakari Qrosa diplomatik fəaliyyətində uğurlar arzu edib.
Şərhlər
Şərhləri göstər Şərhləri gizlət