Paraşüt açılmadı, lakin möcüzəli şəkildə sağ qaldı

Kanadanın şərqində 30 yaşlı qadın paraşütlə tullanarkən təhlükə ilə üzləşib.

Axar.az xəbər verir ki, qadının paraşütü açılmayıb. Ehtiyat paraşüt də işləməyib.

1,5 km hündürlükdən meşəyə düşən qadını ağacların budaqlarının arasında tapıblar.

Elə ağaclara ilişməyi də onun həyatını xilas edib.

Hazırda qadın çoxsaylı sınıqlarla xəstəxanadadır.

Yerli hüquq-mühafizə orqanlarının sözlərinə görə, bu, qadının paraşütlə ilk tullanması deyil.

Şahidlər qadının sağ qalmasını əsl möcüzə adlandırırlar.