![Pekinə gələn bütün xarici reyslər başqa şəhərlərə yönləndiriləcək](https://ens.az/images/news/4bcc1fb055633e625f2ca0d29718e6ee.png)
Pekinə gələn bütün xarici reyslər başqa şəhərlərə yönləndiriləcək
Pekinə gələn bütün xarici reyslər martın 23-dən etibarən Çinin digər şəhərlərinin hava limanlarına yönləndiriləcək.
AZƏRTAC xəbər verir ki, Çin Mülki Aviasiya Administrasiyası yeni növ koronavirus (COVID-19) epidemiyası ilə mübarizə tədbirləri çərçivəsində belə qərar qəbul edib. Şanxay, Nankin, Sian, Teincin, Çindao da daxil olmaqla digər 12 şəhərin hava limanında enəcək təyyarələrin sərnişinləri pasport nəzarəti, gömrük prosedurlarını keçdikdən sonra tibbi müayinəyə cəlb olunacaqlar. Karantin yoxlanışını keçən sərnişinlər Pekinə uça biləcəklər.
Qeyd edək ki, son günlər Çinə xaricdən gələn sərnişinlər arasında COVID-19 infeksiyasına 314 yoluxma aşkarlandıqdan sonra Çin hökuməti sərhəd karantin tədbirlərini sərtləşdirib. Paytaxt Pekində xaricdən gələn 97 sərnişində virusa yoluxma aşkarlanıb.
Şahin Cəfərov
AZƏRTAC-ın xüsusi müxbiri
Pekin
Şərhlər
Şərhləri göstər Şərhləri gizlət