![Prezidentin təltif etdiyi icra başçısı kimdir?](https://ens.az/images/news/1f02bed909893d79f35621d362a91450.jpg)
Prezidentin təltif etdiyi icra başçısı kimdir?
Sabirabad Rayon İcra Hakimiyyətinin başçısı Siraqəddin Cabbarov 2-ci dərəcəli "Vətənə xidmətə görə" ordeni ilə təltif edilib.
Axar.az xəbər verir ki, bu barədə Prezident İlham Əliyev sərəncam imzalayıb.
Qeyd edək ki, S.Cabbarov 15 dekabr 1959-cu ildə İmişli rayonunda anadan olub. 1981-cı ildə Azərbaycan Politexnik İnstitutunu bitirib. İxtisasca mühəndis-mexanikdir.
28 avqust 1989-cu ildən 25 aprel 2008-ci ilə kimi Binəqədi Rayon İcra Hakimiyyəti başçısı aparatında Mənzil sahələrinin qeydiyyatı və bölüşdürülməsi şöbəsinin müdiri, Təsərrüfat şöbəsinin müdiri, Sosial-iqtisadi məsələlər şöbəsinin müdiri və Binəqədi Rayon İcra Hakimiyyəti başçının müavini vəzifələrində çalışıb. 25 aprel 2008-ci ildən 17 may 2019-cu ilə qədər Saatlı Rayon İcra Hakimiyyətinin başçısı vəzifəsində çalışıb.
Azərbaycan Respublikası Prezidentinin 17 may 2019-cu il tarixli Sərəncamı ilə Sabirabad Rayon İcra Hakimiyyətinin başçısı təyin edilib.
Şərhlər
Şərhləri göstər Şərhləri gizlət