"Qərb Ukraynada Rusiya ilə NATO arasında toqquşma olmasını istəmir" - Almaniya kansleri

"Qərb Rusiya ilə NATO arasında münaqişənin olmasını istəmir, ona görə də alyans öz ordusunu Ukraynaya göndərməyəcək".

Ens.az Bizimyol.info-a istinadən xəbər verir ki, bunu Münhen Təhlükəsizlik Konfransında çıxışı zamanı Almaniya kansleri Olaf Şolz deyib.

“Məncə, iki şey əsas əhəmiyyət kəsb edir: birincisi, Rusiyadan gələn təhlükə realdır, ona görə də bizim müdafiə və çəkindirmə imkanlarımız etibarlı olmalıdır və daha da möhkəmləndirilməlidir. İkincisi də, elə əvvəlki kimi qüvvədə qalır: biz Rusiya ilə NATO arasında münaqişənin olmasını istəmirik, ona görə də Ukraynanı dəstəkləyən hər kəs müharibənin əvvəlindən yekdilliklə bildirib ki, biz Ukraynaya öz əsgərlərimizi göndərməyəcəyik”, - deyə Şolz qeyd edib.

Kansler bildirib ki, digər tərəfdən, Rusiyanın Ukraynada qələbəsi Aİ-yə Kiyevə indiki dəstəkdən daha çox baha başa gələcək: “Bizim üçün nəticələr Ukraynanın müdafiəsində ona verdiyimiz dəstəyimizdən daha baha başa gələcək. Biz münaqişənin digər avropa, və NATO dovlətlərinə keçməsinin qarşısını almaq üçün Ukraynaya lazımi köməyi göstərməliyik”, - deyə Almaniya hökumətinin başçısı bildirib. O, etiraf edib ki, Almaniya vətəndaşları indi Ukraynaya yardım göstərməyin “maliyyə nəticələrini” hiss edirlər.