Regional miqrasiya idarələrinin əməkdaşları təltif edilib

Xidmətdən Azvision.az -a verilən məlumata görə, vövbəti tədbir Dövlət Miqrasiya Xidmətirəisinin birinci müavini, II dərəcəli dövlət miqrasiya xidməti müşaviri Vəli Nağıyevin və Dövlət Miqrasiya Xidmətinin rəis müavini, III dərəcəli dövlət miqrasiya xidməti müşaviri Elman Əliyevin iştirakı ilə DMX-nın Ağsu Regional Miqrasiya İdarəsinin konfrans zalında təşkil olunub. 



Dövlət Miqrasiya Xidmətinin 7 – Xaçmaz, Ağsu, Şirvan, Yevlax, Gəncə, Şəki, LənkəranRegional Miqrasiya İdarələrinin, o cümlədən Yevlax şəhər Qanunsuz miqrantların saxlanması mərkəzinin rəhbərlərinin və əməkdaşlarının iştirakı ilə keçirilən tədbirdə çıxış edən Vəli Nağıyev DMX-nın yaradılmasının 12-ci il dönümü, miqrasiya orqanları işçilərinin peşə bayramı və uzun əsrlərdən bəri milli birlik, mehribanlıq, qardaşlıq rəmzi kimi xalqımız tərəfindən böyük məhəbbətlə qarşılanan Novruz bayramı münasibətilə əməkdaşları təbrik edib, onlara uğurlar arzulayıb. 



Xidmət rəisinin birinci müavini DMX-nın 12 il ərzində keçdiyi inkişaf yoluna nəzər salıb, əldə edilən nailliyyətləri diqqətə çatdırıb. Bildirib ki, ötən müddət Xidmətin kollektivi üçün əlamətdar olub. Qeyd edib ki, Prezident cənab İlham Əliyevin 19 mart 2007-ci il tarixli Fərmanı ilə Dövlət Miqrasiya Xidməti yaradıldıqdan sonra ölkəmizdə təkmil miqrasiya qanunvericilyi qəbul edilib və təkmilləşdirilib, miqrasiya sahəsində müasir informasiya texnologiyalarına əsaslanan idarəetmə sistemi yaradılıb, xidmətin keyfiyyəti yüksəldilib, vətəndaş məmnunluğunun artırılılması istiqamətində kompleks tədbirlər görülüb. 



Vəli Nağıyev söyləyib ki, Dövlət Miqrasiya Xidməti 12 il ərzində qarşıda duran vəzifələri uğurla icra edib. Xidmət rəisinin birinci müavini bundan sonra da Xidmət əməkdaşlarının öz üzərinə düşən vəzifələri layiqincə yerinə yetirəcəklərinə, respublikada miqrasiya proseslərinin idarə olunması sahəsində qanunvericiliyin tələblərinə uyğun fəaliyyət göstərəcəklərinə əminliyini bildirib. 



Sonra Azərbaycan Respublikası Dövlət Miqrasiya Xidmətinin yaranmasının 12-ci ildönümü münasibəti ilə Dövlət Miqrasiya Xidmətinin rəisi Vüsal Hüseynovun imzaladığı əmrlər elan olunub. Əmrə əsasən davranışlarına və xidməti vəzifələrinin icrasına məsuliyyətlə yanaşdıqlarına görə bir sıra əməkdaşlar mükafatlandırılıblar. 



Xidmətdə fərqlənmiş 11 əməkdaş fəxri fərman, 3 əməkdaş “Miqrasiya orqanlarında qüsursuz qulluğa görə” 3-cü dərəcəli Azərbaycan Respublikası medalı ilə təltif olunub. 5 əməkdaşa vaxtından əvvəl xüsusi rütbələr verilib. 10 əməkdaşa isə Təşəkkür elan edilib.