Ruhani: "Süleymani ABŞ generallarını asanlıqla məhv edə bilərdi"

Ens.az xəbər verir ki, İran prezidenti Həsən Ruhani bildirib ki, ABŞ-ın hücumu nəticəsində ölən İslam İnqilabı Keşikçiləri Korpusunun generalı Qasım Suleymani bölgədəki Amerika generallarını asanlıqla məhv edə bilərdi.

"Bizim bölgəmizdə heç kim general Süleymaninin regionda sabitlik və əmin-amanlıq üçün səy göstərdiyinə şübhə etmir. O, istəsəydi, Əfqanıstanda, İraqda və digər yerlərdə Amerika generallarını asanlıqla öldürə bilərdi" - Ruhani Tehrandakı diplomatik nümayəndəliklərin rəhbərləri ilə keçirdiyi görüşdə vurğulayıb.

Onun sözlərinə görə, rəsmi olaraq başqa bir ölkənin ərazisində olan bir şəxsin öldürülməsi, bütün beynəlxalq normaların pozulmasıdır.

Qeyd edək ki, bu u il yanvarın 3-nə keçən gecə Birləşmiş Ştatlar Bağdadın beynəlxalq hava limanı ərazisində İran ordusunun Əl-Quds xüsusi təyinatlı elit bölməsinin komandiri, general Qasım Süleymani və İraq birləşmiş şiə qoşunlarının rəhbərinin müavini, Vaşinqton tərəfindən ötən il dekabrın 31-də Bağdaddakı ABŞ səfirliyinə hücumlarım təşkilində iştirak etdiyi günahlandırılan Əbu Mehdi əl-Muhandisə qarşı əməliyyat keçirmişdi.

İran bu hücuma yanvarın 8-də ABŞ hərbi kontingentinin yerləşdiyi İraqdakı bazalara atılan raketlərlə cavab vermişdi