!["Rusiya ABŞ-ın əsas silahının məlumatlarını ələ keçirdi, ona görə Türkiyə..." - General hər şeyi açdı](https://ens.az/images/news/40657c5461e123efa3ca0d40dffb7209.jpg)
"Rusiya ABŞ-ın əsas silahının məlumatlarını ələ keçirdi, ona görə Türkiyə..." - General hər şeyi açdı
ABŞ Müdafiə Nazirliyi (Pentagon) yeni nəsil F-35 qırıcı təyyarələrinin Avtonom Logistika İnformasiya Sistemində (Autonomic Logistics Information System-ALIS) ortaya çıxan problemlərin aradan qaldırılmadığını açıqlayıb. Nazirlik bildirib ki, hər 3 F-35-dən 1-i bütün əmrləri yerinə yetirmək potensialına qədər təkmilləşməyib.
Publika.az xəbər verir ki, bu açıqlama Türkiyənin istehsal layihəsindən çıxarılmasının ona faydası olduğu təəssüratı yaradıb.
Hərbi mütəxəssislərin fikrincə, F-35 Türkiyə Hərbi Hava Qüvvələrini ABŞ-dan asılı hala sala bilər.
Təqaüddə olan general-polkovnik Bəyazid Karadaş da F-35 qırıcılarının Türkiyəyə gətirilməməsinin gətirilməsindən daha yaxşı olacağını vurğulayıb:
“F-35 təyyarələrinin texniki xüsusiyyələti göz önünə gətirildikdə, qısaca, görünməzliyi, antenləri, sensorları, silah sistemləri və NATO-nun müşətərək layihəsi konseptinə uyğyun hər platforma kriptoqrafik bağlantılara məlumat ötürülməsi və paylaşımı özəlliklərinə sahib qüsursuz təyyarə təəssüratı yarada bilər. Türkiyə ilə ABŞ və NATO arasındakı problemlərin fonunda F-35A təyyarələri logistik sistemi işlətməsi baxımından milli logistik sistemi sıradan çıxaracağı üçün xüsusi əhəmiyyətə malik problem kimi qarşımızda dayanır. F-35A-nın idarəetməsi Türkiyənin nəzarətindən çıxacaq. Bunlardan birincisi Avtonom Logistika İnformasiya Sistemi, ikincisi Performans Əsaslı Logistikadır. Təyyarənin bütün bilgiləri ALIS vasitəsilə eyni yerdə - ABŞ-a aid şirkətdə toplanacaq. ALIS ağıllı smartfon kimi logistika sisteminə nəzarət etmək üçün 65-dən çox tətbiqdən ibarətdir. Bütün ömrü boyunca sistemin bir və ya iki ildə yenilənməsi aparılacaq. İstifadəçilərin asılı qalması təmin ediləcək və mövcud vəziyyətdə bildiyimiz xərclər 4 qat çoxalacaq. ALIS Türkiyə Hərbi Hava Qüvvələrinin bütün hərəkat, təlim, qulluq və təchiz zəncirini nəzarətdə saxlayacaq. Qoşunların bütün məlumatları Türkiyə ilə yanaşı, ABŞ-da da depolanacaq”.
General-polkovnik bildirib ki, F-35-lərin hərəkata dair bütün özəlliklərinin böyük qismi, onsuz da, çoxdan Rusiyanın əlinə keçib. Ona görə də ABŞ Türkiyə S-400 sistemlərini alarkən ortaya mənasız və zəif bəhanələr atıb. Əgər F-35-in çatışmazlıqları üzə çıxsa, təyyarədən imtina edənlərin sayı artacaq və qiyməti aşağı düşəcək.
Qeyd edək ki, F-35A qırıcılarının hazırkı bazar qiyməti 83 milyon dollara (141,1 milyon manat) yaxındır.
Zümrüd
Şərhlər
Şərhləri göstər Şərhləri gizlət