Rusiya və Türkiyə prezidentləri telefonda danışdılar

Rusiya və Türkiyə prezidentləri Vladimir Putin ilə Rəcəb Tayyib Ərdoğan arasında telefon danışığı olub.

“Report” RİA “Novosti”yə istinadən xəbər verir ki, tərəflər Suriya böhrəninin aradan qaldırılması yollarını müzakirə edərkən Soçi razılaşmasının tam şəkildə yerinə yetirilməsinin vacibliyini bildiriblər.

Həmçinin iki dövlət başçısı İdlib ətrafında vəziyyətin gərginləşməsi ilə bağlı aidiyyəti qurumlar arasında əlavə təmasların yaradılmasına dair razılaşıb.