Rusların Ermənistana axını azalacaq - SƏBƏB

Rusların Ermənistana axını azalacaq - SƏBƏB

2023-cü ilin sonunda Ermənistan sənayesi cəmi 2%, xidmət sektoru 11%, ticarət isə 24% artıb.

Redaktor.az news.am-a istinadən xəbər verir ki, bunu Ermənistan Milli İctimai Siyasət Araşdırmaları Mərkəzi QHT-nin icraçı direktoru Armenui Burnazyan bildirib.

O xatırladıb ki, ticarət və sferada artım amilləri Rusiya-Ukrayna münaqişəsi ilə bağlı proseslərdir. Onun proqnozlarına görə, bu xidmət sahələrində artım tendensiyası azalacaq, çünki rusların Ermənistana axını azalmağa başlayacaq.

Burnazyan qeyd edib ki, tikinti sektorunda artım 15% olub, sektorda fəaliyyət göstərən şirkətlərdən vergi daxilolmaları isə cəmi 10% artıb: “Bu ona baxmayaraq ki, tikinti sektorunun da multiplikator effekti olmalıdır. Çox güman ki, problem administrasiya ilə bağlıdır”, - o qeyd edib.