Sabitlik və etibarlılıq - Mixail Leontyev Mehriban Əliyevanın Moskvaya səfərini şərh edir

Politoloq, publisist, televiziya və radio aparıcısı və Rusiyanın ən məşhur jurnalistlərindən biri olan Mixail Leontyev diqqqətləri Azərbaycanın Birinci vitse-prezidenti Mehriban Əliyevanın Moskvadakı Rusiya-Azərbaycan regionlararası forum səfərinə yönəltdi.

Xatırladaq ki, Azərbaycanın Birinici vitse-prezidentinin Moskvaya səfəri zamanı Xalq Təsərrüfatı Nailiyyətləri Sərgisində “Azərbaycan” pavilyonunun açılışı olub.

Bundan əlavə, Mehriban Əliyeva ən yüksək səviyyədə görüşlər keçirib. Rusiya Prezidenti Vladimir Putin isə Rusiya-Azərbaycan münasibətlərinin inkişafında və möhkəmlənməsindəki xidmətlərinə görə Azərbaycanın Birinci vitse-prezidenti Mehriban Əliyevanı “Dostluq” ordeni ilə təltif edib.

Mixail Leontyev Media.Az-a verdiyi müsahibədə bildirir ki, Rusiya Prezidenti Vladimir Putinin Azərbaycanın Birinci vitse-prezidenti Mehriban Əliyevaya təqdim etdiyi mükafat çox simvolik hesab olunur.