Samsung Galaxy Note9-u yeni iPhone (2018) ilə müqayisə etdilər

6,4 düymlü Samsung Galaxy Note9 6,5 düymlü iPhone X Plus-dan böyükdür.

Ens.az Ixbt.com resursuna istinadən xəbər verir ki, Samsung şirkəti Galaxy Note9 flaqman smartfonunu artıq satmağa başlayıb, Apple-dən yeni iPhone-un anonsu isə hələ gə gözlənilir. 

MacRumors resursu Samsung Galaxy Note9 və yeni iPhone 2018 modellərinin müqayisəsi olan maraqlı video çəkib. Əlbəttə ki, iPhone maket şəklində təqdim olunub, Samsung Galaxy Note9 isə tamamilə real və işləkdir. 

Xatırladaq ki, 2018-ci ildə Apple 5,8 düymlü diaqonallı OLED displey ilə təchiz olunmuş iPhone X, 6,5 düymlü OLED ekranlı böyük model iPhone X Plus, həmçinin 6,1 düym diaqonallı LCD ekranla təchiz olunacaq ucuz iPhone təqdim etməlidir. Yeni iPhone modellərinin təqdimatı 12 sentyabr tarixində baş tutmalıdır. 

Samsung Galaxy Note9 6,4 düymlü kəsiksiz displeyə məxsusdur, bütün üç yeni iPhone modelləri isə keçən ilki orijinal iPhone X-dəki kimi çərçivəsiz dizaynla hazırlanıb.

6,1 düymlü iPhone üçün olan qiymət təxminən 700 dollar olmalıdır. Buna baxmayaraq, böyük modellər kimi o da FACE ID üz tanıma funksiyası ilə TrueDepth kamera sistemini əldə edəcək.  Arxa kamera onda təkdir, böyük modellər isə ikili kamera əldə edib. 

Ölçülərinə görə 6,4 düymlü Samsung Galaxy Note9 6,5 düymlü iPhone X Plus-dan bir az böyükdür. Çarxın müəllifi həmçinin iddia edir ki, iPhone-un daha rahat forması var, 6,1 və 5,8 düymlü diaqonallı modelləri isə əldə tutmaq daha asandır.  

Həmçinin Samsung Galaxy Note9 3,5mm qulaqcıq birləşdiricisi, arxa paneldə daktiloskopik ötürücüsü və S-Pen stilus üçün slotun olması ilə fərqlənir. Yeni iPhone-lar bütün bunlardan məhrumdur. Son şayələr Apple Pencil dəstəyinin olması haqqında danışıblar, amma bunun ehtimalı azdır.