"Şəxsi rejim"i izləməyə görə "Google"a qarşı 5 milyard dollarlıq iddia ilə bağlı məhkəmənin qərarı gözlənilir

"Google" ABŞ-da istifadəçilərin "özəl rejimdə" baxarkən belə onları izləməklə məxfiliyini pozduğu şübhəsi ilə açılan məhkəmə iddiasını həll etməyə razılaşıb.
Bizimyol.info Türkiyə mətbuatına istinadən xəbər verir ki, kollektivin iddiası dünyanın ən çox seçilən axtarış sistemi və onun ana şirkəti olan "Alphabet"dən ən azı 5 milyard dollar tələb edirdi.

Böyük texnologoya firmaları ABŞ və digər ölkələrdə öz təcrübələrinin getdikcə daha çox araşdırılması ilə üzləşiblər. "Google" və onun istifadəçilərini təmsil edən hüquqşünaslar bununla bağlı şərh tələblərinə cavab verməyiblər.

ABŞ-ın Dairə Hakimi İvon Qonzales Rocers vəkillərin ilkin razılıq əldə etdiklərini dedikdən sonra Kaliforniyada iş üçün nəzərdə tutulan dinləməni təxirə salıb. Müqavilənin şərtləri açıqlanmayıb. Bununla belə, "Google" hüquqşünaslarının 2024-cü ilin fevralına qədər məhkəmənin təsdiqi üçün rəsmi həll təqdim edəcəyi gözlənilir.

Axtarış sistemi bildirib ki, hətta şəxsi baxış rejimində olsa belə, axtarış tarixçəsinin toplanması sayt sahiblərinə “məzmunlarının, məhsullarının, marketinqinin və s. performansını daha yaxşı qiymətləndirməyə” kömək edir.

"Google"un "Chrome" brauzerindəki gizli rejim istifadəçilərə fəaliyyətləri brauzerdə və ya cihazda qeyd edilmədən internetdə axtarış imkanı verir. Bununla belə, ziyarət edilən veb-saytlar istifadəni izləmək üçün "Google Analytics" kimi vasitələrdən istifadə edə bilər.