Şəxsin anlaqlı olub-olmamasını belə müəyyənləşdiriləcək
Gələn il martın 1-dən Azərbaycanda şəxsin anlaqlı olub-olmaması ilə bağlı məhkəmə-psixiatrik ekspertizasının aparılması üçün ən azı üç məhkəmə ekspertindən ibarət tərkibdə komissiya təşkil ediləcək.
APA-nın məlumatına görə, bu, Prezident İlham Əliyev tərəfindən təsdiqlənən “Azərbaycan Respublikasının Cinayət-Prosessual Məcəlləsində dəyişiklik edilməsi haqqında” qanunda əksini tapıb.
Qüvvədə olan qanuna görə, zəruri hallarda başqa şəxslərin hüquqlarını pozmamaq şərti ilə tədqiqat üçün nümunələr ekspert tərəfindən də götürülə bilər. Dəyişikliyə əsasən, tədqiqat üçün nümunənin götürülməsi məhkəmə ekspertizası fəaliyyətinin bir hissəsidirsə, bu hərəkət məhkəmə ekspertizasını aparan ekspert tərəfindən həyata keçiriləcək.
Bu qanun 2020-ci il martın 1-dən qüvvəyə minir.
Şərhlər
Şərhləri göstər Şərhləri gizlət