Şövkət Məmmədova – Azərbaycanın ilk opera müğənnisi

Şövkət Məmmədovanın səsi ilk dəfə Qafqaz bölgəsinin vitse-qubernatoru Qraf Vorontsov-Daşkovun qonaq olduğu  ziyafətdə səslənmişdi. Həmin vaxt 13 yaşında idi. Bir il sonra Milanda təhsil almağa yollandı. 15 yaşında ilk dəfə Bakıdakı Tağıyev Teatrının səhnəsində Ü.Hacıbəyovun "Ər və arvad" musiqili komediyasından bir hissə ilə çıxış etdi.

Daha sonra Kiyev Konservatoriyasında təhsil aldı və burada bəstəkar R.Qlier ilə görüşdü. Məmmədova ilə tanışlığı sayəsində Qlier Azərbaycan xalq musiqisi ilə maraqlandı və qısa müddətdə Qarabağa getdi, burada bir sıra peşəkar muğam ifaçıları ilə görüşdü.

O, məşhur “Şahsənəm” operasını bu səfər təəssüratlarına əsaslanaraq yazacaq və Şövkət Məmmədovaya həsr edəcəkdi. O vaxta qədər Ş.Məmmədova  artıq Azərbaycanın istedadlı opera müğənnisi kimi  tanınacaqdı. Milanda və Parisdə təhsilini başa vurdu. Bakıdakı Azərbaycan Opera və Balet Teatrının solisti kimi 1921-ci ildən etibarən Moskva, Leninqrad, Paris, Milan, Təbriz, Tiflisdə qastrol səfərlərində olmuşdur. 1923-cü ildə Azərbaycanda ilk teatr texnikumunu  (indiki Azərbaycan Dövlət Mədəniyyət və İncəsənət Universiteti), 1924-cü ildə isə respublika not nəşriyyatını təsis etdi.

Mənbə: moltes moltes