Tiflisdə kritik gün: İvanişivli layihəni dəfn etdi

Bidzina İvanişvili Rusiyanın istəyi əsasında Anakliya layihəsini dəfn edib.

Axar.az xəbər verir ki, bunu Vahid Milli Hərəkat Partiyasının parlamentdəki fraksiyasının rəhbəri Roman Qoçiridze deyib. Onun sözlərinə görə, hazırkı hakimiyyətin dönəmində bu layihə reallaşmayacaq.

Qeyd edək ki, “Anakliya İnkişaf Konsorsiumu”nun öhdəliklərinin icrası müddəti bu gün bitir. Əgər konsorsiumun öz öhdəliklərini icra edə bilmədiyi təsdiqlənərsə, baş nazirin rəhbərlik etdiyi komissiya konsorsiumla müqaviləni poza da bilər.