"Tramp Ərdoğanla söhbətdən sonra İrana hədiyyə verdi"

"Tramp Ərdoğanla söhbətdən sonra İrana hədiyyə verdi"

Donald Tramp bir baş komandan deyil. Tanış olmadan, fikir mübadiləsi aparmadan, düşüncəsizcəsinə qərarlar verir. Hərbi personalı heç bir dəstək olmadan təhlükəyə salır.

Axar.az xəbər verir ki, bu sözləri ABŞ-ın İŞİD-lə mübarizə üzrə koalisiyasının xüsusi nümayəndəsi Bred Makqark bildirib.

"Trampın Ərdoğanla telefon söhbətindən sonra Ağ Evin bu gecə verdiyi bəyanat meydanda baş verənləri zərrəcə anlamaqdan tamamilə məhrum olduqlarını göstərir. ABŞ hər hansı bir İŞİD-çini girov saxlamır. Onların hamısı Trampın Türkiyənin masasına təqdim etdiyi DSQ-nın əlindədir", - Makqark deyib.

Makqark Trampın Ərdoğanla telefon söhbətindən sonra Rusiya, İran və İŞİD-ə hədiyyə verdiyini bildirib.

Qeyd edək ki, Türkiyə ordusunun əməliyyatına görə Donald Tramp Suriyanın şimalındakı ABŞ ordusunun geri çəkilməsi haqda qərar verib.