"Tramp niyə gecə sakitcə çıxıb getmir” - Klinton Baydenə nə üçün kömək edir?

Bir vaxtlar ABŞ-ın Demokratlar Partiyasının prezidentliyinə namizəd olmuş keçmiş ABŞ dövlət katibi Hillari Klinton Ağ Evin hazırkı sahibi Donald Trampın ən çox ehtimal olunan rəqibi – Co Baydenə 2020-ci il seçkilərində kömək etməyə hazır olduğunu bildirib.

Ens.az Konkret.az-a istinadən xəbər verir ki, bu barədə məlumatı New York Post qəzeti yayıb.

“Mən əlimdən gələn hər köməyi etməyə hazıram. Çünki bu, hər bir amerikalının ölkəmizə kömək etmək istədiyi an olacaq … Buna görə xidmət etmək istənirsə, mütləq bu barədə düşünməlisiniz” deyə Hillari Klinton “Bayden seçkidə qalib gələcəyi təqdirdə onun administrasiyasında işləməyə razılıq verəcəkmi?” sualına cavab verərkən deyib.

Hillari Klintonun sözlərinə görə, Bayden qalib gəlsə, Donald Tramp seçkinin nəticələrini şübhə altına almaq üçün hər cür cəhd göstərəcək.

“Mən inanmıram ki, Tramp uduzsa, gecə sakitcə çıxıb gedəcək” deyib.

Xatırladaq ki, Hillari Klinton ABŞ-ın 44-cü prezidenti Barak Obamanın dövlət katibi vəzifəsini icra edib. Bu zaman Bayden ölkənin vitse-prezidenti vəzifəsini icra edib.