Tramp “TikTok”a vaxt qoydu - Yoxsa bağlanacaq

Donald Tramp sentyabrın 15-nə qədər “TikTok” tətbiqini satmağı tələb edib.

“RİA Novosti” agentliyi xəbər verir ki, ABŞ prezidenti bu fikrini Ağ Evdə jurnalistlərlə keçirdiyi görüşdə dilə gətirib.

O qeyd edib ki, “Microsoft” və ya başqa iri şirkət “TikTok”u almazsa, məşhur sosial şəbəkə sentyabrın 15-də ABŞ istifadəçiləri üçün bağlanacaq.

Qeyd edək ki, ABŞ hakimiyyəti “TikTok” sosial şəbəkəsinin ölkə ərazisində bloklanması məsələsini nəzərdən keçirir.

Mənbə: Oxu.az