Trampın “Çin virusu” sözlərinə Pekindən sərt reaksiya

Çin hökuməti ABŞ Prezidenti Donald Trampın “Twitter” paylaşımına sərt reaksiya verib.

Bu barədə “Hürriyet” məlumat yayıb.

Çin Xarici İşlər Nazirliyindən (XİN) verilən açıqlamada Donald Trampın COVID-19 yeni tip koronavirusu “Çin virusu” kimi təqdim etməsini “şiddətli qəzəb”lə qarşılandığı bildirilib.

“Virusu Çinlə əlaqələndirmək bir damğalama üsuludur. Buna qətiyyətlə qarşıyıq və şiddətli şəkildə qəzəbliyik”, - deyə açıqlamada qeyd olunub.

Mənbə: Oxu.az