Türkiyənin iki vilayətində ard-arda 10-dan çox zəlzələ qeydə alınıb

Bu gün Türkiyənin Muğla vilayətində Aralıq dənizinin Marmaris rayonu sahillərində ard-arda zəlzələlər baş verib.

APA-nın yerli bürosunun Türkiyənin Təbii Fəlakətlər və Fövqəladə Hallar İdarəsinə (AFAD) istinadla verdiyi xəbərə görə, Marmarisdə ilk təkan yerli vaxtla saat 04:28-də, Rixter şkalası üzrə 5,4 bal gücündə qeydə alınıb. 18 dəqiqə sonra 4,4, yerli vaxtla saat 08:12-də 4,3, 08.43-də isə 4,2, daha sonra isə 2,7 və 4,4 bal gücündə zəlzələlər qeydə alınıb. Təkanlar yerin dərin qatlarında olub.

AFAD və Kandilli Rəsədxanasının məlumatlarına görə, Aralıq dənizi sahillərində ard-arda 10-dan çox təkanlar qeydə alınıb.

Günlərdir təkanların qeydə alındığı Manisa vilayətinin Akihisar rayonunda isə bu sabah yerin 6,5 kilometr dərinliyində 3,7 maqnitudada zəlzələ baş verib.