Ukrayna müxalifəti: “Zelenski bilərəkdən Donbasdakı münaqişəni gecikdirir”

Ukrayna prezidenti Vladimir Zelenski Donbasdakı hərbi əməliyyatlara son qoymaqda maraqlı deyil. Bu, Ukrayna tərəfinin barışıq əldə etməyə razılıq verərkən seçdiyi ifadələrdən aydın görünür.

Ens.az Konkret.az-a istinadən xəbər verir ki,bu sözləri “Müxalifət platforması – Həyat uğrunda” partiyasının nümayəndələri söyləyib.

Xüsusilə qeyd olunur ki, əldə olunan razılaşmaların heç də hamısı Ukrayna Müdafiə Nazirliyinin saytında göstərilməyib və yazılanların iki cür mənası var. Bəzilərində təhlükəsizlik qüvvələrinə atəş açmağa icazə verilir.

“Ukrayna tərəfinin atəşkəs rejimini təmin etmək üçün əlavə tədbirlərin belə “sərbəst şərhi” təmas xəttində vəziyyəti sabitləşdirmək və münaqişənin sülh yolu ilə həllində irəliləyişə nail olmaq üçün başqa bir cəhddə şübhə doğurur və eyni zamanda Ukrayna hakimiyyətinin – Donbass sakinlərinə münasibətdə etdiyi hərəkətlərin manipulyativ xarakterini bir daha vurğulayır” deyib.

Xatırladaq ki, iyulun 27-dən etibarən Donbasda barışıq elan olunub: yaşayış məntəqələrinə və ətrafına atəş açmaq və silah yerləşdirilmək qadağandır.

Bundan əvvəl pravda.ru yazmışdı ki, Kiyev Donbasın Ukraynaya qayıdacağına əmindir. Düzdür, bu yaxın gələcəkdə olmayacaq.

Bu fikri Ali Radanın spikeri Dmitri Razumkov səsləndirib.