Uzunmüddətli məşq beyni yenidən formalaşdırır.

Corctaun Universitetində aparılan yeni araşdırma göstərib ki, uzunmüddətli məşq nəticəsində beyin yenidən təşkil olunur və öyrənilmiş bacarıqlar daha avtomatik şəkildə yerinə yetirilir. Nəticələr göstərir ki, müəyyən şəraitdə insanlar sadəcə diqqətlərini tapşırıqlar arasında sürətlə dəyişmir, həm də eyni anda həqiqi mənada bir neçə işi görə bilirlər.

Tədqiqatçıların fikrincə, bu nəticələr avtomobil idarə etməyin ilk vaxtlarda niyə tam diqqət tələb etdiyini, lakin təcrübə artdıqca bu ehtiyacın əhəmiyyətli dərəcədə azaldığını izah edir. Araşdırma göstərib ki, beyin yaxşı mənimsənilmiş bacarıqları fərqli sinir dövriy
ələrinə ötürərək onların daha az şüurlu səylə yerinə yetirilməsini təmin edir.

Əldə olunan nəticələr insan öyrənməsi ilə bağlı uzun illərdir qəbul edilən nəzəriyyəyə meydan oxuyur. Araşdırmaya görə, uyğun şəraitdə insanlar sadəcə diqqətlərini tapşırıqlar arasında sürətlə dəyişmirlər, eyni zamanda həqiqi mənada bir neçə işi paralel şəkildə yerinə yetirə bilirlər.

Tədqiqatçılar bildirirlər ki, bu araşdırma təkcə gündəlik həyat üçün deyil, həm də süni intellekt sistemlərinin inkişafı baxımından mühüm əhəmiyyət daşıyır. Onların fikrincə, nəticələr beynin mövcud bacarıqlar üzərində yenilərini necə formalaşdırdığını ortaya qoymaqla insanlar kimi öyrənə və dəyişən şəraitə uyğunlaşa bilən süni intellekt sistemlərinin hazırlanmasına töhfə verə bilər.

Araşdırmanın aparıcı müəllifi, Corctaun Universiteti Tibb Fakültəsinin nevrologiya professoru və Neyromühəndislik Mərkəzinin rəhbərlərindən  Maksimilian Rizenhuber bildirib:

"Beynin necə öyrəndiyini başa düşmək istiqamətində daha bir mühüm addım atmışıq. Ümidverici tərəfi isə odur ki, insan həqiqətən də eyni anda bir neçə işi görməyi öyrənə bilər. Beynin strukturunu yenidən təşkil etməyin və onun digər hissələrindən istifadə etməyin həqiqətən bir yolu var."

Araşdırmalar beynin eyni anda bir neçə işi görməsinin mümkün olduğunu göstərir

Bu araşdırma öyrənmənin beyin üzərində yaratdığı dəyişiklikləri araşdıran, uzun illər davam edən tədqiqatların davamı hesab olunur.

Corctaun Universitetinin alimləri bacarıq avtomatik hala gəldikcə beyində hansı dəyişikliklərin baş verdiyini, xüsusilə də beynin aktiv öyrənmə mərhələsindən uzunmüddətli məşqdən sonra tapşırığı daha az şüurlu səylə yerinə yetirmə mərhələsinə necə keçdiyini araşdırıblar.
Riesenhuber buna nümunə kimi avtomobil idarə etməyi göstərib.

Onun sözlərinə görə, sürücülüyü öyrənməyin ilk mərhələsində insan etdiyi hər bir hərəkətə diqqətlə nəzarət etməlidir. Lakin uzun illərin təcrübəsindən sonra bir çox sürücü avtomobili idarə edərkən eyni zamanda söhbət edə, musiqi dinləyə və ya başqa bir məsələ haqqında düşünə bilir.

Riesenhuber bildirib: "Əsas sual budur: beyin bunu necə bacarır?"

Tədqiqatçının sözlərinə görə, əvvəlki araşdırmaların əksəriyyəti öyrənmə prosesinin ilkin mərhələsinə yönəlsə də, uzunmüddətli məşqin beyində yaratdığı dəyişikliklər indiyədək daha az öyrənilib.

Mənbə:scitechdaily.com