Xəstə Qasım - Eylərsən
Gözəl, səndə nə qaydadı,
Gedəni yoldan eylərsən.
Salarsan eşqin oduna,
Ulusdan, eldən eylərsən.
Mən ha billəm sən əttarsan,
Qənd ilə noğul satarsan.
Dəryalara tor atarsan,
Sonanı göldən eylərsən.
Gözəl, nə bildin halımı,
Əyibsən qəddü-dalımı.
Mən Qasıma bu zülümü,
Kim eylərdi, sən eylərsən.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət