Yunanıstanın növbəti prezidenti qadın ola bilər - İlk dəfə

Yunanıstanın Baş Naziri Kiriakos Mitsotakis ali hakim xanım Ekaterini Sakelaropulunun ölkə prezidenti vəzifəsinə namizədliyini irəli sürüb.

Teleqraf.com xəbər verir ki, xanım E.Sakelaropulunun namizədliyi parlament tərəfindən təsdiqlənərsə, o, Yunanıstanın ilk qadın prezidenti olacaq.

Qeyd edək ki, Yunanıstan parlament respublikasıdır. Prezident parlament tərəfindən 5 il müddətinə və ən çox iki dəfə seçilə bilər.