ABŞ: Çinin 5G texnologiyasına alternativlər hazırlayın

ABŞ müttəfiqlərini Çinin 5G texnologiyalarını istifadə etməməyə və alternativlər hazırlamağa çağırıb.

Axar.az xəbər verir ki, bunu ABŞ-ın Müdafiə naziri Mark Esper Münhen Təhlükəsizlik Konfransında çıxışı zamanı deyib. O, Çin texnologiyalarından istifadənin Qərb ölkələrinin sistemi üçün təhdid kəsb etdiyini bildirib:

“ABŞ Pekinlə konflikt axtarmır. Biz istəyirik ki, Çin mövcud qaydalara, beynəlxalq hüquqa sadiq qalsın. ABŞ tərəfdaşlarını Çinlə əməkdaşlıqdan imtinaya məcbur etmir. Biz qlobal sistemin, bazarın müdafiəsi xeyrinə seçim etməyi istəyirik”.