Almatı şəhərində 12 tibb işçisi koronavirusa yoluxub
Qazaxıstanın Almatı şəhərində 2 həkim və 10 tibb bacısı koronavirusa yoluxub.
“Report” “informburo.kz”a istinadən xəbər verir ki, məlumatı Almatı Şəhər İctimai Səhiyyə İdarəsi yayıb.
Bildirilib ki, tibb işçilərinin COVID-19-a yoluxması şəhərin stasionar xəstəxanalarından birində qeydə alınıb.
Aprelin 11-nə olan məlumata əsasən, Qazaxıstan üzrə ümumilikdə 859 yoluxma faktı aşkarlanıb. 10 ölüm hadisəsi baş verib.
Qeyd edək ki, Qazaxıstanda fövqəladə vəziyyət rejimi aprelin sonunadək uzadılıb.
Məqaləni bəyəndiniz? Sosial şəbəkələrdə izləyin!
Şərhlər
Şərhləri göstər Şərhləri gizlət