Azərbaycan bankları 2 dəfə çox vergi ödədi, mənfəəti düşdü - Rəsmi

Azərbaycan bankları 2 dəfə çox vergi ödədi, mənfəəti düşdü - Rəsmi

Azərbaycanın bank sektoru bu ilin yanvar ayında 42,6 milyon manat xalis mənfəət götürüb.

Oxu.Az xəbər verir ki, bu, ötən ilin eyni dövrü ilə müqayisədə 51% və yaxud təxminən 2 dəfə azdır. Buna səbəb isə mənfəət vergisi ödəmələrinin 5,3 milyon manat, yəni 2,8 dəfə çox olmasıdır.

Maliyyə Bazarlarına Nəzarət Palatasının açıqladığı statistikaya görə, bu ilin ilk ayında Azərbaycan banklarının faiz gəlirləri 10,3% artdığı halda, faiz xərcləri 3,35% azalıb. Eyni zamanda qeyri-faiz gəlirləri 71,%, qeyri-faiz xərcləri isə 18% artıb.

Tənzimləyici qurumun da tələbini nəzərə alan banklar aktivləri üzrə mümkün zərərlərin ödənilməsi üçün xüsusi ehtiyatların yaradılmasına 39,3 milyon manat ayırıblar.