![Azərbaycanda daha bir vəzifəli şəxs həbs edildi](https://ens.az/images/news/90b477f1c93b4728ac952e6b59dab28d.jpg)
Azərbaycanda daha bir vəzifəli şəxs həbs edildi
“Yeni Sabah”ın əldə etdiyi xəbərə görə, Oğuz – Qəbələ Regional Meşə İdarəsinin müdiri Qəribov İlqar Nəsrəddin oğlu və müəssisənin digər əməkdaşı Calalov İlqar Saməddin oğlu həbs olunub. Nərimanov Rayon Məhkəməsində hakim Samir Məmmədovun sədrliyi ilə hər iki şəxs barəsində həbs-qətimkan tədbiri seçilib.
Onlar barəsində cinayət məcəlləsinin 259.3-cü (Qanunsuz ağac kəsmə) maddəsi ilə cinayət işi başlanıb.
Maddənin sanksiyasında göstərilir ki, meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların, eləcə də meşə fonduna daxil olmayan ağacların, kolların və ya digər yaşıllıqların qanunsuz kəsilməsi qabaqcadan əlbir olan bir qrup şəxs və ya mütəşəkkil dəstə tərəfindən törədildikdə -
doqquz min manatdan on bir min manatadək miqdarda cərimə və ya iki ildən beş ilədək müddətə azadlığın məhdudlaşdırılması və ya üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə üç ildən altı ilədək müddətə azadlıqdan məhrum etmə ilə cəzalandırılır.
![Azərbaycanda daha bir vəzifəli şəxs həbs edildi Azərbaycanda daha bir vəzifəli şəxs həbs edildi](http://cdn.yenisabah.az/resize.php?w=0&h=0&file=image_750x422_5e6b3ea69ca17.jpg)
Şərhlər
Şərhləri göstər Şərhləri gizlət