Bakı metrosunun iş rejimi 2 saat uzadılır

Bakı metrosu Formula-1 günlərində sərnişinlərə saat 02:00-a qədər xidmət göstərəcək.

Ens.az xəbər verir ki, bu barədə Bakı Metropoliteni QSC məlumat yayıb.

Sentyabrın 19-dan 20-nə və 20-dən 21-nə keçən gecələrdə metro stansiyaları saat 02:00-a qədər sərnişinlərin girişinə açıq olacaq.

Yarış günlərində şəhər mərkəzinə yaxın stansiyalarda gücləndirilmiş iş rejimi tətbiq ediləcək, əlavə ehtiyat qatarlar hazır vəziyyətdə saxlanılacaq.