![BNA götürmür, sərnişinlər yolda qaldı: nəticədə...](https://ens.az/images/news/52e22473083370e80ed75622224b0210.jpg)
BNA götürmür, sərnişinlər yolda qaldı: nəticədə...
Nazirlər Kabineti yanında Operativ Qərargahın təlimatına uyğun olaraq, metronun sutkalıq fəaliyyətinin 5 saata endirilməsindən (07:00-09:00 və 17:00-20:00) sonra Bakı Nəqliyyat Agentliyi metro stansiyaları arasında ekspress marşrut xətləri açıb.
Axar.az xəbər verir ki, bu marşrutlarda sıxlıq yaranmaması və sərnişinlər arasında məsafənin qorunmasına maksimum şəkildə qriayət edilir və oturacaqlardan artıq sərnişin avtobuslara götürülmür. Bu isə əlavə problem yaradıb.
Belə ki, dayanacaqlarda qalan sərnişinləri kiçiktutumlu marşrutlar heç bir qaydaya əməl etmədən götürür. Həmçinin bəzi taksi sürücüləri ekspress xətlərin marşrutu istiqamətində adambaşına 1 manatdan olmaqla, 4-5 sərnişin götürərək, xidmət göstərir.
Bir taksiyə 4-5 müxtəlif adamın minməsi və yaxud kiçiktutumlu avtobuslarda sərnişinlərin ayaqüstə, bir-birinə həddən artıq yaxın danışması isə Operativ Qərargahın təlimatına ziddir və karantin qaydalarının pozulmasıdır.
Məsələ ilə bağlı BNA-ya sorğu göndərilib.
Şərhlər
Şərhləri göstər Şərhləri gizlət