Dünyada keçirilən ən qəribə adətlər

Dünyanın müxtəlif yerlərində bir-birindən çox fərqli və qəribə adətlər mövcuddur. Başqaları tərəfindən mənasız və ya qorxuducu olaraq görülən bu adətlər yerli mədəniyyətin bir parçasına çevrilib.

Metbuat.az dünyada keçirilən ən qəribə adətləri təqdim edir:

Afrikanın cənubunda yerləşən ada ölkəsi Madagaskarda olduqca qəribə bir adət vardır. Ölkənin hər yerində keçirilən bu adətdə insanlar ölmüş ailə böyüklərinin cənazələrini məzarlarından çıxarıb, yeni geyimlər geydirərək təşkil edilmiş bir mərasimdə rəqs etdirirlər. Bu adət hər yeddi ildən bir təşkil olunur.

Dünyada ən çox mübahisəyə səbəb olan və tük ürpədən ənənələrdən biri Hindistanda gerçəkləşdirilən bir ritualdır. Dekabr ayının ilk həftəsində həyata keçirilən bu mərasimdə körpə valideynləri tərəfindən müqəddəs məbədin yuxarısından aşağıya atılır. Bərəkət və rifah gətirəcəyi inanılan mərasim əsnasında təhlükəsizlik tədbirləri görülsə də Karnataka əyalətindəki 500 illik bu ənənə böyük mübahisələrə səbəb olur.