Estoniya ilə Finlandiyanı birləşdirən Baltik qaz kəməri istifadəyə verilib

Estoniya ilə Finlandiyanı birləşdirən Baltik qaz kəməri istifadəyə verilib

Estoniya ilə Finlandiyanı birləşdirən Baltik qaz kəməri vaxtından əvvəl istifadəyə verilib.

AZƏRTAC xəbər verir ki, uzunluğu 77 kilometr olan kəmərin inşasında məqsəd iki ölkə arasında təbii qazın nəqlini həyata keçirməklə regional enerji təhlükəsizliyini təmin etməkdir.

Qaz kəmərinin inşasına 2018-ci ildə başlanılıb. Fin körfəzini keçən kəmər vasitəsilə hər il 2 milyard kubmetr qaz nəql ediləcək. Ümumilikdə, tikinti işlərinə 300 milyon avro vəsait sərf olunub. Vəsaitin bir hissəsi Avropa İttifaqı, qalanı isə Finlandiya və Estoniya hökumətləri tərəfindən ödənilib.