Gümüş medal qazandı, ADU-ya imtahansız qəbul oldu

Gümüş medal qazandı, ADU-ya imtahansız qəbul oldu

287 nömrəli “Zəkalar” liseyinin məzunu Rəhman Nəsirli müsabiqə yolu ilə qəbul olunaraq Azərbaycan Dillər Universitetini seçib.

Axar.az xəbər verir ki, Coğrafiya fənni üzrə Respublika Fənn Olimpiyadasının final turunu keçdikdən sonra gümüş medal qazanan R.Nəsirli bununla da təhsil almaq istədiyi ali təhsil müəssisələrini imtahan vermədən seçmək şansı əldə edib.

R.Nəsirli imtahan vermədən universitetə qəbul olmağın qəribə hisslər yaşatdığını deyib.

Rəhman Nəsirli Norveç Krallığına olan marağı və müəllimlərinin də tövsiyəsi ilə artıq Azərbaycan Dillər Universitetinin Beynəlxalq münasibətlər və idarəetmə fakültəsinin Skandinaviyaşünaslıq ixtisası üzrə I kurs tələbəsidir.