Köçəryan Qarabağdan narahatdır:Hərəkat yaradır

Ermənistanın eks-prezidenti Robert Köçəryan tərəfdarları ilə Zoom formatında görüş keçirib.

Ens.az Cebhe.info-nun məlumatına istinadən, görüş zamanı Köçəryanl siyasi bəyanat verib.

“Biz bu komanda ilə Ermənistanda hərəkat yaratmağa çalışmalıyıq. Ümid edirəm ki, siz belə inkişafa hazırsınız .

Görəcəyimiz çox iş var. Yolumuz çətindir, amma keçdiyimiz yoldan əminəm ki, sizin dəstəyinizlə, mübarizənizlə məqsədlərimizə çatacağıq. Mən buna inanıram”,-sabiq dövlət başçısı belə deyib.

Həmçinin, Köçəryan tərəfdarları ilə daxili və xarici siyasət, Qarabağ məsələsi, dövlət təhlükəsizliyi, ölkənin sosial-iqtisadi vəziyyəti və perspektivləri, eləcə də şəxsi məsələləri müzakirə edib.

"Bəli, Qarabağ məsələsi məni narahat edir. Düzgün istiqamətdə getdiyimiz barədə təəssüratım yoxdur",-deyən Robert Köçəryan yaxın vaxtlarda bu barədə danışacağını vəd edib.

Müşfiq Abdulla